Şuşa torpağının dağ-yoxuşunda,
Şəhidim Ömərin izləri qaldı.
Qələbə diləyi,Vətən sevgisi,
Ürəkdə arzusu, sözləri qaldı.
Düşmənə bir dəfə aman vermədi,
Döyüşdə göstərdi igidliyini,
Sığdırdı çox qısa əsgər ömrünə,
O uca məqamı şəhidliyini.
Uğrunda qan töküb candan keçdiyi,
Azaddır hər qarış Vətən torpağı.
Qisası alındı ruhu şad olsun,
Zirvəyə sancıldı zəfər bayrağı.
Müəllif: Aynurə İNCİ
0 Rəy:
Yorum Gönder