VIG-TV - Vətənin İstedadlı Gəncləri İctimai Birliyinin təşkilatçılığı ilə 2020-ci
ildə fəaliyyətə başlayan vətənpərvərlik uğrunda ictimai birliyin veb-saytıdır.
VIG-TV “Mənəviyyatı
qoru, vətənini sev, mahiyyətin eşq, vətənə məhəbbət olsun, öz şəxsi maraqlarını
vətən yolunda qurban verməyə hazır ol. Vətənin etnik, mədəni, siyasi və tarixi
xüsusiyyətlərinə arxalan, çünki bu qürur, uğur və baş ucalığıdır. Milli və
mənəvi dəyərlərimizi əsl pətənpərvər kimi qoru.” şüarı ilə fəaliyyət
göstərməkdədir.
VIG-TV saytında mütəmadi olaraq vətəninə, millətinə, bayrağına sədaqət bəsləyən
şəxslər üçün spesifik seçilmiş mövzularda materiallar yerləşdirilir və əsasən
maarifləndirici, məsləhətyönlü və ədəbi funksiya daşıyır. Materiallar həm sayt
administrasiyası tərəfindən, həm də bloggerlərin özü tərəfindən yaradıla,
redaktə edilib və yayımlana bilər. Yaxın zamanda saytda hər bir kəsin blog
açması, öz şəxsi gündəliyini aparması, həyatda qarşılaşdığı maraqlı məqamları
qeyd etməsi təmin olunacaqdır.
VIG-TV veb-saytında qeydiyyatdan keçən hər kəs səsvermə bölümünə daxil olaraq
digər insana, mövzuya, şərhə mənfi və ya müsbət səs verir. Ədalət prinsipini
qorumaq üçün verilən səslər istifadəçinin reytinqindən asılı olur: reputasiyası
yüksək olan istifadəçinin verdiyi səs daha böyük təsir göstərir. Reytinqi aşağı
olan istifadəçi isə məhdudiyyətlərlə qarşılaşır. Saytda ab-havanı məhz
istifadəçilər yaradır, kimin yaxşı, kimin pis olduğunu seçir. Bir sözlə, saytı
demokratik quruluşa malik onlayn cəmiyyət kimi xarakterizə etmək olar.
VIG-TV veb-saytının əsas TV rubrikası “MÜHAZİRƏLƏR”
bölməsində yerləşdirilir. Mühazirələr həmçinin diskussiya yönümlü keçirilir.
Səsvermə bölümündə izləyicilərin seçimi ilə istənilən mövzu üzərində hər ayda
(imkan daxilində həftədə) 1 dəfə mühazirə keçiriləcək. Mühazirələrə keçirilən
mövzu sahəsinin mütəxəssisləri dəvət ediləcək və həmən mütəxəssislər mühazirə
sonrası diskussiyada iştirakedən gənclərin sorğularını cavablandıracaq.
Keçirilən mühazirələrdən əldə edilən video, videolink, foto, mövzuya uyğun mətn
və sual-cavablar saytın “MÜHAZİRƏLƏR” bölməsinə yerləşdiriləcəkdir. Qeyd edək
ki mövzular vətənpərvərlik, ədəbiyyat, tarix, fəlsəfə, psixologiya - tibb,
teologiya – din, astrologiya, iqtisadiyyat, hüquq, məişət və digər tendensiya
üzərində qurulacaqdır. İzləyicilər istənilən mövzuya səs verməklə növbəti
mühazirənin arzuolunan mövzu üzərində keçirilməsini həyata keçirə bilərlər.
Bunun üçün səsvermə bölməsinə daxil olaraq istənilən mövzunu seçib və ya
mövzunun adını bizə - v.istedadligencler@gmail.com ünvanımıza yazıb yollaya
bilərlər. Sayt və v.istedadligencler@gmail.com ünvan
əsas Vig-tv administrasiyası tərəfindən
izlənilərək istəklər qeydə alınır.
VIG-TV blogo-sosial servisdir. Yəni, o həm internet
forumu, həm də blogosferanı özündə birləşdirir. Öz fikirlərini bölüşmək,
maraqlı bir məlumatı insanların nəzərinə çatdırmaq, digərlərinə daha yaxşı
həyat qurması üçün kömək etmək, populyar müəllif olmaq, əsas rubrikamız olan “Mühazirələr”-də iştirak etmək
istəyənlər sadəcə olaraq qeydiyyatdan keçməli və VIG-TV
saytında xoşbəxt həyat üçün lazımlı mövzularda kontent yerləşdirməlidir.
Siyasət və skandala meylli şou-biznes sahələrini çıxmaq şərtilə üzv olan
gənclərimiz geniş mövzularda kontent yerləşdirə bilərlər. Kontentdə
aşağıdakılar nəzərdə tutulur.
Əsasən vətənpərvərliyə aid mövzular olmaqla, mühazirə bölməsində
sadaladığımız mövzulara uyğun:
· Günlük müşahidələr, məqalələr
·
Ədəbi mövzular, poeziya-şeir, povest, klassika-qəzəl, dahilərdən kəlamlar,
roman, hekayə, publisistik oçerklər, gənc yazarların fəaliyyəti, müsahibə,
kitab mütaliəsi, bədii əsərlər və s.· Elmi, ictimai, aktual yeniliklər, gənc istedadların əl işləri
· Elektron kitablar
· Araşdırma, analizə əsaslanan reportaj, sorğu-sual
· Film-maniya, ssenari, pyes, teatr əsərləri, sevilən aktyorlar
· İstənilən növ elmi əsər, dissertasiya, diplom işi, səmərələşdirici təklif, kurs işi
· Foto video, videolink və s. informasiya paylaşımı
· Xanımlara özəl mövzular, kulinariya, sağlamlıq və digər
· Xeyriyyə təklifləri, xeyirsevər gənclərimizin fəaliyyəti, uşaq sığınacaqlarındakı atılmış, kimsəsiz, fiziki-qüsurlu gənclərimizin yaradıcılığı, əl işləri, fəaliyyəti
· məsləhət, tövsiyyə, istək və təkliflər
Yerləşdirilən kontentin Azərbaycan dilində olması vacibdir (xarici dil
öyrənməyə aid və bəzi spesifik mövzular istisna olmaqla). Kontentdə Azərbaycan
dilinin qəbul olunmuş normalara uyğun olaraq istifadə edilməsi tövsiyə olunur.
Yazılarda translitdən istifadə etmək, milli əlifbaya məxsus hərfləri
(ə,ş,ğ,ı,ö,ü,ç) düzgün yazılmalıdır.
· · Yerləşdirilən kontentdə müəllif hüquqlarına riayət olunması mütləqdir.
·
Kontent xoşməramlı məqsədlərlə yerləşdirilməli, qəbul olunmuş ictimai və
saytdaxili normalar çərçivəsindən kənara çıxmamalıdır.
· Yerləşdirilən kontentdə Azərbaycan Respublikasının dövlət quruluşunu dəyişmək, onun milli rəmzlərinə, ümumilikdə Azərbaycan xalqına, böyük ictimai nüfuzu olan şəxslərə (Məhəmməd peyğəmbər, ölkə prezidenti və s.) qarşı fikirlər bildirmək, onları təhqir etmək qadağandır.
· Yerləşdirilən kontentdə ədəb-ərkan qaydalarından kənara çıxılmamalıdır və fiziki qüsurları, dili, irqi, seksual oriyentasiyası, milli mənsubiyyətinə görə digər şəxsləri təhqir etmək olmaz.
· Millətlər, dinlər, ictimai qruplar arası münasibətləri qızışdıran təbliğat aparmaq qadağandır. Mübahisəli faktlardan, tarixin qaranlıq məqamlarından, konflikt doğuran məsələlərdən yalnız tarixi həqiqətləri aşkara çıxartmaq, elmi araşdırma aparmaq, bəzi suallara cavab almaq, konstruktiv müzakirə aparmaq məqsədi ilə istifadə etmək olar.
· Yerləşdirilən kontentdə dövlət və kommersiya sirlərinin açılmaması, müəyyən arzuolunmaz məqamların, o cümlədən intim hisslərin, şəxsi maliyyə göstəricilərinin və s. gizli saxlanması tövsiyə olunur.
· Kontentdə ictimai nəzakət qaydalarını pozmaqdan, söyüş, ədəbsiz sözlər, vulqar ifadələr işlətməkdən çəkinmək məsləhət görülür.
· Yerləşdirilən kontentdə Azərbaycan Respublikasının dövlət quruluşunu dəyişmək, onun milli rəmzlərinə, ümumilikdə Azərbaycan xalqına, böyük ictimai nüfuzu olan şəxslərə (Məhəmməd peyğəmbər, ölkə prezidenti və s.) qarşı fikirlər bildirmək, onları təhqir etmək qadağandır.
· Yerləşdirilən kontentdə ədəb-ərkan qaydalarından kənara çıxılmamalıdır və fiziki qüsurları, dili, irqi, seksual oriyentasiyası, milli mənsubiyyətinə görə digər şəxsləri təhqir etmək olmaz.
· Millətlər, dinlər, ictimai qruplar arası münasibətləri qızışdıran təbliğat aparmaq qadağandır. Mübahisəli faktlardan, tarixin qaranlıq məqamlarından, konflikt doğuran məsələlərdən yalnız tarixi həqiqətləri aşkara çıxartmaq, elmi araşdırma aparmaq, bəzi suallara cavab almaq, konstruktiv müzakirə aparmaq məqsədi ilə istifadə etmək olar.
· Yerləşdirilən kontentdə dövlət və kommersiya sirlərinin açılmaması, müəyyən arzuolunmaz məqamların, o cümlədən intim hisslərin, şəxsi maliyyə göstəricilərinin və s. gizli saxlanması tövsiyə olunur.
· Kontentdə ictimai nəzakət qaydalarını pozmaqdan, söyüş, ədəbsiz sözlər, vulqar ifadələr işlətməkdən çəkinmək məsləhət görülür.
Sayt istifadəçilərinə istədikləri bloglara abunə olmaq, RSS, axtarış kimi
servislər təklif edilir. Biznes-tərəfdaşlıq üçün də sayt əlverişli imkanlar
yaradır. Sayt administrasiyası isə istifadəçilərin istəklərinə diqqətlə
yanaşması, liberal siyasəti, operativ reaksiyası ilə seçilir.
Saytın qaydaları ilə tanış olmaq məsləhət görülür. Saytın fəaliyyəti
ilə bağlı suallara cavab FAQ bölümündə ətraflı verilib.
