9.09.2020
ƏSAS SƏHİFƏ »
ƏL İŞLƏRİ
» Yaşıl İncəsənətdə bu gün - Mədinə FƏRAC
Yaşıl İncəsənətdə bu gün - Mədinə FƏRAC
Bu gün VİG TV heyəti olaraq gənclərimizin özünəxas istedadları ilə maraqlanarkən, yaşıl incəsənətə - rəssamlığa həvəsi olan gənc bir xanımı tanıdıq. Biz onun bir-birindən fərqli, gözoxşayan əsərləri ilə tanış olduqdan sonra haqqında yayım etmək qərarına gəldik.
Mədinə Fərac - 29 sentyabr 1997-ci il tarixində Lənkəran şəhərində dünyaya göz açıb. Doğulduğu şəhərin 8 nömrəli tam orta məktəbində təhsil alıb. Həmin məktəbi bitirdikdən sonra tibb, kompüter işi, gitar musiqi kimi bir çox sahələrdən dərslər alır. Lakin kiçik yaşlarından incəsənətə, rəsmə olan hədsiz marağı yenidən bu gənc qızı rəsm arxasınca yürüməyə vadar edir . Qəlbi bu yaşıl incəsənətlə döyünən gənc rəssam bu sahəyə olan maraq və hisslərini belə dilə gətirir.
Mədinə Fərac: - Mən kiçik yaşlarımdan həmişə nəyisə yaratmaq haqqında düşünürdüm. Rəsamlıq mənim ən rahatlıq tapdığım sahədir. Əlimdə qələm, fırça ilə nəyisə yaradarkən bütün varlığımla özümü o işə qoymağa çalışıram .
Belə ki 2019 -cu ildə imtahan verərək nəhayət ki arzuladığı sahədə təhsil almağa müvəffəq olur. Mədinə hazırda Lənkəran Dövlət Univetstetində Rəsm müəllimliyi üzrə ikinci kursda təhsil alır. Əlavə olaraq kibrit suvinirləri, mum füqurları kimi digər yaradıcılıqlarını da özündə kəşf etmişdir. Gəncimizə uğurlar diləyib rəsm əsərlərindən bir neçəsini sizlərə təqdim edirik.
Hazırladı; Xavər Səfiyeva.
0 Rəy:
Yorum Gönder