Rəvan Məmmədlinin vətən sevgisiylə yazdığı şeirlər

 

"Ordumuza itfah olunur"

Yeni bir tarix yazır Azərbaycan ordusu

Qara bəxtli vətənin ağ bəxtin,ağ tarixin.
Sizlər qürur mənbəyi,bizim ümid yerimiz,
Qanınızla yazırsız siz Qarabağ tarixin.

 

Bu dünyaya bəllidir qüdrətiniz,gücünüz,

Bu düşmənə qorxudu,düşmənə dağ deməkdir.

Sizsiz bizə yaşadan bu qələbə sevincin
Atdığınız hər addım azad torpaq deməkdir.

 

Otuz ildir həsrəti çəkilən torpaqları

Bu xalqa qaytarırsız yuvaların, yurdların

Sizdə vətən qeyrəti, sizdə döyüş əzmi var
Vətənimin qorxusuz,döyüşkən boz qurdları.

 

Bu yol haqqın yoludur, Allah sizə köməkdir
Getdiyiniz hər yolun,sonunu zəfər etsin.
Canınız sağ-salamat, yolunuz açıq olsun
Allah sizi qorusun,sizi müzəffər etsin.!

 ***

 

"Azərbaycan əsgəri"

Sənə zəfər yaraşır, sən qazandın bu adı

Bu gün qalib olandır,Azərbaycan əsgəri.

Sən qaldır zirvələrə,o üç rəngli bayrağı,
Şərəflə dalğalandır Azərbaycan əsgəri.

 

Bu gün hamı bir əsgər,hamı bir generaldı
Qarabağın həsrəti artıq geridə qaldı

İgidlər canın verdi,Qarabağımızı aldı

Hərə bir qəhrəmandır,Azərbaycan əsgəri.

 

Siz qələbə qazandız, biz şad xəbərlər aldıq
Sizin qüdrətinizlə , biz hamımız ucaldıq
Sayənizdə bu vətən yarimçıq deyil artıq,
"Bütöv Azərbaycandır"! Azərbaycan əsgəri.

***

 

"Şəhidlər"

Otuz il, Qarabağın ümidlə bizə tərəf,

Uzanan əllərini tutanlardı şəhidlər.

Vətən sağ olsun deyib,göz qırpmadan özünü,
Ölümün qucağına atanlardı şəhidlər.

 

Bəxti qara vətənin bəxtini ağ edənlər

Bu torpaqdan düşməni qovub uzaq edənlər
Canlarından can verib vətəni sağ edənlər
Qanını bu torpağa qatanlardı şəhidlər.

 

 Özlərinə qürurlu,şərəfli yol seçənlər
Vətən,torpaq deyərək canlarından keçənlər
Şəhid olub Allahın dərgahına köçənlər

O müqəddəs məqama çatanlardı şəhidlər.

 

Üzünü güldürdülər,o qəmli Qarabağın
Sancdılar hər tərəfə Azərbaycan bayrağın
Üstündə qəhrəman tək can qoyduğu torpağın
Altında qalib kimi yatanlardı şəhidlər.

***

 

" Azərbaycan"

O dövlətsən,şərqdə ilksən

Sən ulusan,sən böyüksən

Soyun türkdür,özün türksən

Azərbaycan, Azərbaycan!

 

Bayraq oldun,enmədin sən

Atəş oldun,sönmədin sən

Haqq yolundan dönmədin sən

Azərbaycan, Azərbaycan!

 

Torpaq deyib, bir hay saldın

Sənin idi,geri aldın

Qarabağlı vətən oldun

Azərbaycan, Azərbaycan!

 

Bu gün hər yer Qarabağdır

Vətən tamdır,vətən sağdır

Daha sənin üzün ağdır

Azərbaycan, Azərbaycan!

 

Zəfər çalmış bir ölkəsən

Qisas almış bir ölkəsən

Sən, ucalmış bir ölkəsən

Azərbaycan, Azərbaycan!

 

30 ildir uzaq düşdün

Çox vuruşdun,çox əlləşdin

Nəhayət ki,bütövləşdin

Azərbaycan, Azərbaycan!

 

Müəllif: Rəvan Məmmədli