Zaur RƏXŞAN - Vətən şeirləri

UCA BAYRAQ

Dinlə, göyü ağuşuna almış uca bayraq,

Eşqinlə qürur etmədədir bu ulu torpaq.

Yoxdur elə üç rəng ola səndən daha parlaq,

Bağlanmışıq öz varlığımızla sənə ancaq.

Uğrunda sənin həm yaşarıq, həm ölərik biz,

Göz qırpmayaraq can verərik, can dilərik biz.

Meydanda şəhid olmağı bir borc bilərik biz,

Mərdik, ölümü qarşılayarkən gülərik biz.

Tarix boyu biz Türklərə basqınlar olubdur,

Daim bizi məhf etməyə hiylə qurulubdur.

Yurdu qoruyan sinəmiz oxlarla dolubdur,

Sonda bu vətəndən yenə düşmən qovulubdur.

Sən dalğalan ey bayrağım aləmlər oyansın,

Dünya sənin hüsnündəki üç rəngə boyansın.

Nankorluq edənlər qoy alışsın, elə yansın,

Qorxub qəzəbindən yağı düşmən də dayansın.

Olsun adın artıq göy üzündə yayılan səs,

Çöksün yerə qarşında baş əysin sənin hər kəs.

Dörd bir yana şiddətli küləklər kimi bərk əs,

Bilsin bütün aləm səni dünyadə müqəddəs.

---------------------------------------------------

MƏSNƏVİ

Ey yurdumuza göz dikən alçaq yaramazlar,

Sizlər nədi mərdlik biləməz, ağlı dayazlar.

Bizlər vətən uğrunda canından keçən ərlər,

Hətta doğulandan hərəmiz bir igid əsgər.

O sevgi bizim qəlbimizə qan kimi dolmuş,

Çünki bu vətən nəğməsi həp laylamız olmuş.

Heç varmı görən, sizdə bu cür şir tək oğullar,

Torpağı yuyan qanı ilə nər tək oğullar.

Yox, yox olamaz sizdə belə ruhu bir aslan,

Ki ol keçərək qarşımıza eyləyə üsyan.

Sizlərdə nə mərdlik, nə hünər var, nə qürur var,

Yaltaqlığınızsa olub aləmlərə aşkar.

Hey hat ola, sizlər necə aciz yaranışlar,

Bizlərlə savaş etməyə qalxdız başı boşlar.

Lakin bizi bilməzmisiniz ki, nəyə qadir,

Bu mərdliyimiz hər yana bəlli ki, deyil sir.

Bizlər vətən uğrunda ölüm müjdəsin aldıq,

Hər dəm yağı düşmənləri vurduq, diri qaldıq.

Zatən vətən üçün nə gözəldir elə ölmək,

Hərb meydanını qəlb ilə gül baxçası bilmək.

Qorx, qorx yağı düşmən, bizi gördükdə həmən qaç,

Tarixlərə düşmüş yenə o əhfi dilən qaç.

Lakin daha rəhm olmayacaqdır, susacaqsız,

And olsun o tək Allaha ki, qan kusacaqsız.

Sizdən Qarabağ haqqını dövlət soracaqdır,

Edamınıza məhkəmələr də quracaqdır.

Uç rəngli ulu bayrağımızsa qarabağda,

Aləmlərə bir nur saçacaq ən uca dağda.

Və Türk gücümüz göyləri aydın edəcəkdir,

Hər kəs bu işıqla yol alıb, yol gedəcəkdir.

Azadlığımız biz var ikən, var olacaqdır,

Dünyasa bizə xor baxana dar olacaqdır.

Çünki bizə düşmən olan, islama da düşmən,

Peyğəmbərə həm on iki imama da düşmən.

O kəslərə Qurani-Kərim qoy qənim olsun,

Dəryayə dönən kirli o nəfsində boğulsun.

Islamın hilalı həmişə parlayacaqdır,

Tək Azəribaycan eləcə gurlayacaqdır.

Müəllif:  Zaur Rəxşan